58
ARTISTES PARISIENS DU XVIe ET DU XVIP SIÈCLE.
procedder comme de raison; auquel Lam­bert, parlant comme dessus, j'ay baillé cop­pye de ce present mon exploict es presences dud. m0 Nicolas Parigault, Jehan Legendre et Pierre Leroux, tesmoings.
Et, led. jour, avant midi, en continuant, par vertu et à la requeste que dessus, je huissier susd, et soubzsigné me suis trans­porté esd. faulxbourgs Sainct-Germain-des-Prez, rue du Sepulchre, au domicille de Jherosme Francqué, paintre, auquel lieu, parlant à sa personne, j'ay saisy et arresté en ses mains et mis en la main du Roy, nostred. Seigneur, tous et chacuns les biens meubles, tableaux, or, argent monnoyé et non monnoyé, cedulles, missives, brevetz, obligations, acquictz, papiers et aultres choses qu'il a et peult avoir en sa, possession, appartenant et estant de Ia succession dud. deffunct Dierich Buicks, estranger, et luy ay faict deffenses de par Ie Roy de s'en des­saisir et vuyder ses mains jusques à ce que par justice en ayt esté ordonné, et pour luy veoir faire plus amples [deffenses], faire foy, serment et vuyder ses mains, si mestier est, je luy ay donné assignation à estre et com­paroir lundi, quatre heures de rellevée en la Chambre du Tresor au Pallais, à Paris, par devant mesd. s" les conseillers et juges dudi lieu, et, pour, en oultre, respondre et pro­cedder comme de raison, auquel Francqué j'ay baillé coppie de ce present mon exploict es presence desd, .s™ Nicolas Parigault, Jehan Legendre et Pierre Aubert, tesmoings.
Et encore le mesme jour, avant midi, par vertu à la requeste et continuant ce que dessus, je huissier-susd, et soubzsigné me suis transporté en ceste ville de Paris au Marché Neuf, par devers Jehan Coucbourg, marchant vendeur de peintures; y estant, auquel parlant à sa personne, j'ay saisy et arresté en ses mains el mis en la main du Roy nostred, seigneur tous -et chacuns les
biens meubles, tableaux, or, argent mon­noyé et non monnoyé, cedulles, obligations; missives, acquitz, papiers et aultres choses qu'il a et peult avoir en sa possession, ap­partenant et estant de la succession de deffunct Dierich Buicks, estranger, et luy ay faict deffenses de par le Roy de s'en des­saisir et vuyder, ses mains jusques à ce que par justice aultrement en ayt esté ordonné, el pour luy veoir faire plus amples deffenses, faire foy, serment et vuyder ses mains, si mestier est, j'ay aud. Coucbourg donné assi­gnation à estre et comparoir lundi prochain, quatre heures de rellevée, en la Chambre du Tresor. . .                              >'.
Et led. jour de 16° avril après midy, par vertu, à la requeste et continuant ce que dessus, je huissier susd, et soubzsigné me suis transporté en ceste ville de Paris, rue du Chevallier du Guet, au domicille de. . ., aultrement nommée la Flamande, veufve dud. deffunct Dierich Buicks, estran­ger, auquel lieu, parlant à François Ligne, nepveu de Jehan Ligne, maistre tailleur d'habitz, hoste de lad. veufve, j'ay à icelle veufve monstré et signiffyé les arrestz et saisyes par moy ce jourd'huy faictes et cy dessus transcriptes, ad ce qu'elle n'en pré­tende cause d'ignorance, et oultre, je luy ay donné assignation à estre et comparoir lundi prochain, quatre heures de rellevée, en la Chambre dud. Tresor au Pallais, àParis, par devant mesd. s" les conseillers et juges dud. Tresor, pour dire ce qu'elle vouldra pour empescher que lesd. Dominique Miraillé, Geoffroy Lambert, Jherosme Francqué et Jehan Coucbourg ne. vuydent leurs mains de ce'qu'ilz affermeront avoir et debvoir à la succession dud. deffunct Dierich Buicks, es­tranger, son mary, et que les biens meubles et tableaux par moy cejourdhuy saisiz et arrestez, soient venduz et delivrez au plus offrant et dernier encherisseur, et les deniers